兔主子照顧小貼士(三)

兔友小貼士(二)
February 5, 2018
照顧老友記–龍貓
March 10, 2018
兔主子照顧攻略(三)

小頑童總有一日會變作老頑童,其實兔友們嘅兔主子都系一樣,兔主子到咗老年階段,更加需要兔友俾多D關懷與照顧。

老年兔主子嘅飲食方面要根據具體情況,例如飲食量同體重仍然良好嘅兔主子可以按照成年兔時候嘅飲食,係兔主子5歲左右,將成年兔糧更換成老年兔糧,同樣提供足夠嘅乾草;

另外一種情況,就是飲食量同體重減退嘅兔主子,年紀大咗最近要維持體重穩定,如果現時食用嘅兔糧食得太少,可以嘗試換一換糧,睇下邊款比較中意食,提升兔主子嘅食慾;同時,乾草裡面可以添加苜宿草;

仲要多D關注老年兔主子嘅飲水量,由於腎臟機能開始退化,足夠嘅飲水量可以減輕腎臟負擔;亦都可以增加蔬菜量,幫助補充維生素,要注意蔬菜清潔乾淨再食用,同埋check清楚邊款蔬菜可以食;,以上關於兔主子飲食情況有所疑問,一定要先諮詢清楚獸醫相關情況再根據具體去更變。

講完飲食方面,再提提兔主子係呢個季節出街方面,建議外出時係籠外面套一層紙袋或者膠袋,避免兔主子直接吹到涼風;可以用毛巾包住暖暖包,平鋪係籠底部,咬住唔好俾佢咬到暖包;帶籠外出可以保護佢嘅同時俾佢係一個可以活動嘅空間。

唔多建議兔友們俾兔主子自由係草地散步,草地裡面容易有農藥,除草劑或者細菌等,對佢的身體健康有著潛在危險;如果可以保證草地安全想散步都要用返繩仔保護;其實屋企室內係老年兔主子一個好好嘅環境,能夠提供俾佢行下,舒展筋骨嘅空間就已經足夠。

回覆留言

你的電郵及電話不會被刊登

Comodo SSL