兔友小貼士(二)

兔主子之保暖小貼士
January 29, 2018
兔主子照顧小貼士(三)
February 26, 2018

由於年紀逐漸增長,兔友記行爲變得緩慢活動能力下降,所以兔友們會見到兔友記經常“發吽哣”或者訓覺休息。

爲咗舒展兔友記筋骨,幫助佢祛除老舊嘅毛屑,尤其係季節交替嘅換毛期,兔友記無論係長毛兔或者短毛兔,由於毛髮過長容易打結同埋哩埋邋遢嘢,所依需要定期幫兔友記梳理毛毛。

短毛兔友記要用排梳由頸部開始順住毛毛嘅生長方向將毛毛梳順,然之後用排梳逆方向梳理,將佢尾巴周圍打棘同黏結嘅毛髮梳開,梳理方法重複多一次;

長毛兔友記梳毛嘅前兩個步驟同之前短毛兔友記相同,跟住落嚟要用針梳將毛毛尾打結嘅部分梳開,如果打棘嚴重,有需要時可以將毛塊輕輕修剪,梳理重複多一次。

因爲兔友記關節慢慢退化,可以係籠裡面鋪好軟墊或草墊,兔友記活動嘅地方可以擺低地毯,有助於兔友記關節活動,同時令佢更加舒適;

另外,仲有一個關於抱兔友記嘅小技巧,兔友係抱佢嘅時候動作要溫柔少少;係地面抱佢起身嘅時候,先托住前半身慢慢偏離地面,同時托起佢嘅patpat,雙手一齊托起之後穩當將佢抱入懷,佢嘅脊椎與地面平衡,減輕脊椎嘅壓力。

兔友們睇住兔友記一步一步成長至年老,好似係屋企人一樣嘅存在,彼此互相開心關懷,兔友們要俾多D關心,繼續細心照顧呢個摯愛。

回覆留言

你的電郵及電話不會被刊登

Comodo SSL