多謝丘品創作對Pet to Nature的支持,希望令到更多人瞭解回歸自然水化善終服務。從主人的角度出發,成就一個用心用愛的寵物善終服務。

有好多養寵物既主人,都唔敢想像自己寵物離世會點樣。今集我地會講一d比較嚴肅既話題,寵物離世會點樣處理呢?Pet to Nature 利用寵物善終新技術-水化技術,用水將他們返回大自然。對於愛寵既離世,Pet to Nature 唔會草草了事,佢地會用最舒服既方式,俾親友同愛寵作最後既告別。體現人性化的一面。

承諾是一生一世的 好好送寶寶最後一程

負責人Matthew:水化同土葬都係相類似,都係一個自然分解嘅過程,不過喺泥土入面分解嘅時間會比較長,可能需要三至五年,但喺水裡面就將本來所需嘅時間,大大咁縮短至二十四小時內完成整個過程,我哋有一部好大部嘅水化機,最主要會控制水化機裡面嘅三樣嘢,第一樣係水溫,同火化唔同,火化就用八百度高溫,水化就只需一百度以下嘅水溫,第二樣係水流,一個好溫和嘅水流,一個好慢嘅水流;第三樣就係鹼性物質。透過控制呢三樣嘢,二十四小時內不斷咁循環,喺水裡面就會將一啲有機物質,例如皮膚毛髮等有機物質進行分解,就會變成氨基酸,鹽份,糖份等等, 完成水化後會留下骨頭,經風乾同壓縮處理,最後會有骨灰俾主人留念,水化呢個技術獲得政府嘅認可同大力支持,過程中唔會釋出污染物,唔會對環境造成破壞,分解過程中釋放出來嘅水,甚至可以用嚟爲植物栽種灌溉。

Pet Pet天下:“回到自然讓愛延續”係Pet to Nature嘅宗旨,完成水化過程後嘅遺骨,主人除咗可以選擇放入骨灰盅作爲留念,亦可以選擇種植盆栽,重生係Pet to Nature嘅理念,透過打理盆栽,讓主人繼續感受寶寶嘅陪伴,慢慢撫平傷痛,讓寶寶同主人嘅愛得以延續,透過同Matthew嘅對話,我體會到Pet to Nature人性化嘅一面,對於寵物嘅逝去,佢哋並唔想匆忙完成一件事,而係希望提供最舒適嘅方式,俾親友同愛寵告別,進行美容前,擁有IPTGA證書嘅註場美容師會爲愛寵清潔打扮,人離世嘅時候都有禮儀師打扮儀容,愛寵都係我哋嘅一份子,當然要得到相同嘅待遇,由清洗,到剪毛細緻到腳甲,腳趾毛嘅修剪,都會非常認真仔細,透過美容師溫柔嘅雙手,令愛寵一塵不染,可以靚靚咁去另一個世界;Pet to Nature亦有註場嘅精品師傅,爲主人製作愛寵嘅紀念品,坊間有好多精品製作工廠,佢地大可以分配出去,點解需要註場師傅?Matthew話分配出去,雖然製作嘅過程會更加快捷方便,但質素保證唔到,既然主人毫無保留咁將寶寶托付俾我哋,我哋就更加需要負上呢個責任,所以Pet to Nature絕不假手於人,成個過程由註場師傅操刀,方便進行監督,確保質素,由師傅爲每位寶寶度身設計,最舒適嘅歡樂世界。

從主人同愛寵的角度出發 用心的寵物善終服務

常年累月嘅相處,愛寵已經成爲家庭中嘅一份子,面對至親嘅離世,一時之間的確難以接受,大家都會好好告別自己嘅至親,Pet to Nature亦深深體會到呢一點,喺店鋪中設立唔同嘅悼念房,包括中西式禮堂,俾寶寶生前嘅親友共聚一堂,透過輕鬆嘅聚會,護送寶寶嘅最後一程,除咗可以喺Pet to Nature嘅悼念房舉行聚會,客人亦可以選流動式嘅告別房,Pet to Nature開設咗新型流動車,點解會有咁嘅概念?Matthew話其實我哋始終係善終啦,希望有一個好廣闊嘅平原同好大嘅天空,寓意寶寶離開我哋後,係去咗一個好開心好舒服嘅環境,過一個新嘅生活,車裡面可以容納10至12位親友,有存放遺體專用嘅冷藏區域,適合唔同大細嘅寵物,呢個係同寶寶最後見面嘅地方,親友可以親自降下升降台作爲最後嘅告別。另外有投影機,可以播放寶寶生前嘅點滴,親友嘅陪伴,俾愛寵知道佢並唔孤單。

Pet Pet天下:我知道呢架流動車有個特別嘅故事,等我問下Matthew先。

負責人Matthew:我哋啱啱開業嘅時候,我哋做嘅所有嘢,都希望可以從主人嘅角度出發,一般傾細節嘅時候,都會先問主人,儀式當日可以點樣配合去協助主人令儀式更完美,咁有位主人就坐喺度,諗咗一陣,咁佢就話其實都有架,因爲我BB生前好中意去唔同地方,尤其是鐘意坐車,不斷叫我車佢去周圍玩,有時去下沙灘,有時去探望爺爺嫲嫲,一坐車就會好自然望著個窗,然後就唔郁,好似坐喺度睇電視咁,聽晚之後我哋就諗,當時我哋真係幫唔到佢,因爲個時香港冇嘢可以滿足到佢呢個諗法,之後我哋就好積極咁考慮點樣可以配合佢,就因爲咁樣,諗咗好耐終於構思到,就係用一個流動嘅寵物告別房間去處理,希望可以俾主人帶寶寶去唔同嘅地方。

Pet to Nature一直堅持一個理念,“從主人同愛寵的角度出發”大家一齊製造一個舒適嘅環境,減輕主人嘅傷痛,亦都俾愛寵喺最愛嘅懷抱中與視長辭,同理心配合細心,爲愛寵好好辦一場身後事,話過要俾你最好嘅,我會遵守承諾,陪你走到最後,護送你舒適咁走到彩虹橋,係我送俾你最後嘅禮物,我愛你!經歷過生死,至知道相處嘅每一刻都係最後一刻,用心同身邊人相處,珍惜共同擁有嘅時光,呢句說話雖然老套,但我會銘記於心,珍而重之。

視頻文字源自:PetPet天下 Ep3 寵物的生離死別