兔主子之保暖小貼士

哈姆仔啲日誌(四)
January 22, 2018
兔友小貼士(二)
February 5, 2018

一般情況下,五至六歲以上就係年長嘅兔主子,所以兔主子都會開始出現年老疾病,需要兔友們俾兔主子一個舒適嘅環境,降低生活行動上嘅不便,補充適當嘅營養,維持兔主子嘅體力同免疫力。

最近天氣又降溫,由於兔主子對高溫或者低溫嘅忍受都唔似之前,通常最適合兔主子嘅溫度係15-26度左右,因此要多D留意溫度嘅控制,兔友需要做好兔主子們嘅保暖措施。

講下兔主子嘅屋企保暖小貼士:兔主子如果住係室外,建議兔友們將佢嘅屋企搬入室內避風,兔主子嘅屋企只需要有一個小入口俾佢入屋,避免有風直接灌係入邊,裡面可以鋪上一層木屑或者乾草,增加舒適度同保暖;

如果天氣持續寒冷,可以選擇利用寵物保暖燈同電暖器幫兔主子保暖。保暖燈可以係接近自然嘅環境下幫兔主子驅寒,但要控制好燈泡同兔主子嘅距離,唔好過遠或過近;電暖器使用需要利用定時裝置,避免長時間嘅加溫令到溼度過低,影響兔主子嘅皮膚乾燥;

保暖燈或電暖器都係電器電線裝置,所以保暖嘅同時,建議電線遠離兔主子,最好要有兔友看護下使用;另外,係兔主子被竇下面擺一張小動物專用保溫墊都係一個保暖技巧,有D係有防咬設計,需要購買時要諮詢詳細;

仲有一個係關於兔主子嘅冬天飲食小貼士:一般來講,冬天嘅時候兔主子爲咗保暖會增加自己嘅食量,但因天氣寒冷會減少飲水。因此,冬天照顧兔主子除咗平時嘅食量之外可以適當加少少量幫助佢增加脂肪過冬;

亦都要注意兔主子嘅飲水情況,如果飲水唔多可以用洗淨嘅蔬菜餵兔主子,幫佢攝入水分;溫馨提示餵養量要根據兔主子嘅具體情況,諮詢獸醫情況嘅情況下幫助兔主子過個暖冬。

回覆留言

你的電郵及電話不會被刊登

Comodo SSL