照顧老友記–龍貓

兔主子照顧小貼士(三)
February 26, 2018
赤柱狗狗嘉年華 – 2018/03/24-25
March 31, 2018

龍貓係齧齒類動物裡面壽命係最長嘅一種,平均壽命爲12至20年,龍貓嘅年齡壽命通常與餵養環境同飲食方面有關,但係龍貓同人類一樣會逐漸年老。

開始出現年老症狀例如免疫系統功能下降,視力下降或出現白內障,牙齒問題,毛色開始失去光澤,經常甩毛,皮膚鬆弛,行路變得緩慢,平時鐘意嘅運動逐漸減少,而老年疾病都會逐漸出現,呢個時候龍貓們非常需要老友嘅照顧,儘量緩解龍貓們嘅衰老症狀。

嚟到年老階段,可以嘗試提供乾草俾龍貓們食用,例如提摩西草係重要嘅組成部分可能會促進老龍貓們嘅食慾,或適當添加含鈣嘅苜蓿緩解老化嘅骨骼;建議根據龍貓各自嘅身體狀況諮詢獸醫有效改善進食問題。

由於年齡增長,年老龍貓嘅牙齒可能會出現斷裂,變脆或者蛀牙,因此唔可以再食乾硬嘅食物,要開始調節返飲食方面。

除咗日常嘅龍貓糧,可以開始餵一D軟食;將龍貓糧裡面嘅合成糧揀出嚟用水泡軟之後再俾佢食;根據每個龍貓體質狀況諮詢獸醫適合嘅軟質食物,適量提供俾佢食用。

對於年老龍貓,仲有一個需要簡化佢嘅生活方式,建議居住單層嘅龍貓籠,減少需要攀爬嘅玩具但保留跑輪提供一定量嘅運動空間,適當將跑輪位置調低少少方便上落;

由於體味會變重而且抵抗力下降,要比之前更加頻繁清潔籠內衛生,定期更換木屑,執乾淨每日食剩嘅乾草同食物,清潔食盆同水瓶,如果籠底部有托盤更要清理乾淨以防細菌感染。

另外定期檢查老友記牙齒,體重變化,排泄情況等其他身體狀況,及時照顧同保護佢嘅健康,延續開心嘅時光。

Comments are closed.

Comodo SSL