哈姆仔啲日誌（一）

聽醫生哥哥姐姐話，通常情況下從年齡嚟睇，大約一歲六個月以上哈姆爺爺嫲嫲就會慢慢步入老年期；

同時，健康方面會開始老化現象：其實我都有發現，譬如話哈姆爺爺身體關節開始退化，會開始出現駝背，行路會開始掂腳尖，後腳動作會開始僵硬，容易跌親，平衡力開始變差；

細心嘅朋友仔仲會發覺其他哈姆爺爺嘅眼睛似彈珠，同埋眼中間有小白點，呢種情況容易同眼角膜潰瘍混淆，所以一般最好去諮詢獸醫哥哥姐姐；哈姆爺爺嫲嫲腸胃吸收能力下降，體型開始變瘦或者反應能力下降，睡眠時間變多咗。

首先係需要注意環境溫度同衛生，而家天氣逐漸降溫，轉凍嘅時候，哈姆爺爺同嫲嫲容易感冒，所以要特別注意保暖，做好防寒措施；

因爲屋企嘅朋友仔知道哈姆爺爺怕凍，所以將哈姆爺爺嘅屋企搬到去冇風，溫度比較穩定嘅室內環境，朋友仔要注意唔好將哈姆爺爺同嫲嫲擺起開放式嘅陽台或溫差大嘅地方；

如果遇到天氣持續寒冷，適當使用加溫器材，提升環境溫度；另外重要嘅保暖措施，係俾哈姆爺爺一個保暖性能強嘅屋企——將木屑鋪得厚少少，塞多滴撕碎嘅衛生紙(七分滿)，要注意唔好鋪類似織布或者襪，哈姆爺爺會容易將佢咬爛，拖出嚟嘅線容易整傷哈姆爺爺；

朋友仔記住每日幫手檢查哈姆爺爺嫲嫲嘅被竇，因爲冬天佢哋呼吸嘅水蒸汽容易令到墊料變潮濕，咁樣佢哋嘅被窩會變凍，容易冷親，所以要每天檢查，隨時清理潮濕嘅墊料。

哈姆仔最鐘意哈姆爺爺嫲嫲啦，希望佢地健健康康每一天。