Hong Kong flag macau flag philippines flag Taiwan flag Canada flag Indonesia flag

哈姆仔啲日誌(二)

哈姆仔啲日誌(一)
29 12 月, 2017
哈姆仔啲日誌(三)
15 1 月, 2018
哈姆仔啲日誌(一)
29 12 月, 2017
哈姆仔啲日誌(三)
15 1 月, 2018

最近都會落雨,提醒朋友仔記得帶雨具,仲有雨水天氣屋企容易潮濕,記得留意哈姆屋企嘅木屑要保持乾燥清爽;好多朋友仔like我嘅上一篇日誌,哈姆仔係呢度多謝各位朋友仔對哈姆爺爺嫲嫲嘅關心;

係哈姆爺爺嘅飲食方面,朋友仔可以留意到佢地力氣逐漸減弱,經常會咬唔郁食物,最好可以用研鉢將食物整到碎碎或者係磨成粉狀再俾佢哋食;

每日俾哈姆爺爺一小片蔬菜或者生果,將蔬菜清洗乾淨,用溫開水過一過,避免會有細菌;而生果嘅話,要洗淨去皮去籽再餵比哈姆爺爺食;佢地可以吸收維他命,同時可以通暢屙臭臭;另外,如果要補充哈姆爺爺嘅身體營養,因爲每個嘅身體情況唔同,通常要問返熟悉哈姆爺爺嘅醫生哥哥姐姐啦;

俾哈姆爺爺一個唔障礙嘅空間,由於佢哋嘅關節已經慢慢退化,所以哈姆爺爺嘅屋企要儘量平坦,屋企裡面嘅傢俱最好矮小平坦,等佢行起身可以唔洗太嘥力,例如裡面嘅細竇同食嘢嘅碗仔換返開口淺小小嘅,咁樣哈姆爺爺比較容易爬入去;

哈姆爺爺嘅水瓶都要掛低小小,等爺爺容易飲到水;朋友仔應該隨時keep住乾淨舒爽嘅環境同衛生,咁樣可以避免可惡嘅細菌傳播;

如果哈姆爺爺鐘意出來散步,朋友仔可以多陪陪哈姆爺爺,選擇係平面要注意安全,散步時間太長嘅話,哈姆爺爺會容易攰;細心嘅朋友仔可以係哈姆爺爺嘅耳仔後面同背部,用手指頭輕輕摸摸或者按摩,咁樣就舒服嗮,整個大大嘅Good俾各位朋友仔。

回覆留言

你的電郵及電話不會被刊登

Comodo SSL