Hong Kong flag macau flag philippines flag Taiwan flag Canada flag Indonesia flag

小貼士之愛護老友記

香港寵物展2018– 2.9-10/2.11
31 3 月, 2018
尊重和呵護生命
5 7 月, 2018
香港寵物展2018– 2.9-10/2.11
31 3 月, 2018
尊重和呵護生命
5 7 月, 2018
雖然我哋冇辦法令到時光倒流,但可以嘗試延續互相陪伴嘅每一日,照顧老友記嘅七個小貼士,每個小貼士與老友記息息相關,愛護老友記由即日開始啦。

確保適當吸收飲食營養

飲食健康係所有狗狗嘅基本健康習慣,尤其對於老友記身體健康有較大嘅關係。留意食物吸收嘅卡路里,肥胖會削減老友記壽命,從而增加患上其他疾病例如糖尿病;諮詢獸醫專門爲老友記指定嘅營養食譜;老友記嘅味覺同嗅覺會降低,需要確保食物嘅適口性;規定飲食時間同食物,老友記嘅健康受益於食物吸收嘅營養。

保證狗狗適當及舒適嘅鍛鍊環境

日常嘅適量鍛鍊可以幫助維持狗狗健康嘅體重,根據各自老友記嘅具體情況同諮詢獸醫嘅情況下,俾佢適合強度同時間嘅運動量,延緩患上關節炎嘅問題;另外要注意狗狗鍛鍊期間嘅安全與舒適感,係門口或陽台鋪墊或者安裝護欄保護,方便進出及柔軟溫暖嘅床鋪。

定期尋求獸醫診斷同檢查

對於老友記嚟講,最緊要嘅一個習慣就係尋求定期嘅獸醫護理同檢查,有時候疾病嘅產生係自然衰老嘅一部分,但係大部分人經常會忽略呢一點,所以係呢度要提提大家狗狗步入老年最好每六個月進行一次健康檢查;常規檢查有助於確保健康是否有異常,發現疾病亦都可以儘早治療。

保持良好嘅口腔健康

隨著狗狗年齡漸長,需要提高對於牙齒同口腔嘅健康嘅關注;打開嘴部檢查牙齒狀況,飯後使用犬用牙刷清潔,留意是否有牙垢,需要係定期body check嘅時候,諮詢獸醫關於狗狗口腔清潔嘅標準,清潔及護理嘅方式,以及唔注意時可能會產生嘅口腔問題。

預防傳染病及寄生蟲疾病

所有類型嘅狗狗都需要預防各個傳染病及寄生蟲病(例如預防跳蚤,蜱蟲,蝨子等),由於老友記免疫力會下降,因此需要同獸醫診斷嘅情況下,瞭解需要接種嘅疫苗或者接種時間方面;建議可以參考美國動物醫院協會裡面嘅接種疫苗指南。

日常梳理毛髮同檢查指甲

需要特別留意老友記嘅毛髮,尤其係長毛犬,定期梳理毛髮係一個日常習慣;老友記長時間嘅休息或者活動量較之前嘅減少會催生毛髮同指甲嘅增長,變脆嘅指甲要輕輕細心修剪;皮膚老化會逐漸變得敏感容易損傷例如在出現尿失禁導致尿燙傷,過度會刺激皮膚;因此保持梳理既可以促進毛髮同皮膚嘅健康,亦都可以有個機會檢查老友記皮膚狀況。

給予溫柔嘅愛惜與陪伴

老友記需要給予更多嘅愛心細心與耐心,諗諗佢以前開心陪伴嘅時光,而加我哋都需要成爲佢嘅精神支柱;俾佢多D擁抱同撫摸,俾佢鐘意嘅玩具;老友記嘅視力同聽力會減弱,需要留意唔好係老友記訓覺時打擾佢,唔好突然由後邊靠近而嚇親佢;但係心理方面都會期盼主人對其嘅珍惜與關懷以保持老友記心理健康。

回覆留言

你的電郵及電話不會被刊登

Comodo SSL