嚟自老貓嘅第三封信

親愛嘅老友：

今日又降溫啦，各位老友記得包到隻棕咁樣唔好凍親。又到咗開心嘅聖誕月，又有聖誕樹同jingle bell，老友又開始籌備一年一度嘅聖誕活動。

呢次我想要嗰型少少嘅聖誕look，因爲之前著嗰件blink blink嘅綠色衫，襯埋紅東東嘅帽仔，真係好似郁嚟郁去嘅聖誕樹，所以好似唔多符合本人嘅高傲，最緊要嘅係我驚自己嚇親自己。

最期待嘅就係我嘅聖誕大餐啦，拉埋妳嘅親朋老友齊齊過平安夜，真係諗下都好興奮啊~！ 雖然老友記我嘅嗅覺同味覺有所減低，但係我相信老友嘅煮飯仔手勢。

之前聽我嘅朋友仔話，我哋應該開始少食多餐嘅生活，選擇係一個比較安靜嘅地方，咁樣就可以慢慢享受老友爲我準備嘅美食啦；

老友準備食物嘅時候，擔心我嘅牙口唔好，可以將食物整得比較碎，加少少水；如果老友擔心我對食物唔敢興趣，可以用平時食開嘅或者係可以嘗試嘅新食物，諮詢過熟悉嘅獸醫哥哥姐姐嘅意見就最好啦。

老友記嘅食物可以擺起一個淺口較闊嘅貓咪碗度，老友記我比較受唔住熱或凍，所以暖暖嘅食物至正，咁樣我會慢慢接受。

食嘢嘅時候，同以前一樣摸摸我，知道妳鐘意黐住我傾計，所以我咪扮下高傲繼續食嘢，其實我嘅心裡面講緊：我好鐘意妳個糖黐豆；我知道自己食得開心，其實老友見到仲加開心。

除咗食物之外，有個對於我哋，包括老友嚟講都好緊要嘅就係水啦。而加我身邊嘅朋友仔腎臟方面經常需要檢查，作爲長老貓貓，我哋會容易脫水，需要係屋企方便嘅位置擺低適用嘅飲水碗，可能會對唔同類型嘅水有少少揀擇，呢個任務就交比老友妳，因爲妳係最瞭解我嘅至親。

又到咗結尾，夜晚等我靜雞雞同老友講聲晚安好夢。

係妳愛錫嘅老貓(上)