嚟自老貓嘅第二封信

親愛嘅老友：

哈囉又系我吖，妳嘅老友。冬天嚟啦，唔好掛住要靚，記得要著多地衫！

雖然我而家比以前年長咗少少，唔可以好似以前咁樣扮靚靚，不過我依然鐘意乾淨嘅自己。

適當嘅乾淨要麻煩妳用溫水濕濕棉球，然之後幫我輕輕手抹下我塊面同patpat，之後用柔軟嘅細梳幫我輕輕梳順嗰毛毛，順便睇一睇我身上有冇腫塊或者有冇地方發炎，如果發現呢種情況，可能要麻煩妳帶我去見一見溫柔嘅醫生哥哥姐姐。

如果我係長頭髮咧，先幫我梳順長毛毛，可能需要修剪尾巴嘅毛，腳同埋patpat四圍嘅毛毛，或者送我去寵物美容姐姐度叫佢幫幫手，睇返乾淨嘅自己，好似一縷陽光重新照耀逐漸灰暗嘅世界。

身爲老友嘅妳應該知道，我哋由細到大都會遇到嘅毛球問題，毛毛入咗體內，加上減少咗運動量，我會開始消化不良，所以會出現嘔吐或者便祕嘅現象，昵個時候有少少唔舒服，麻煩妳幫我問一問醫生哥哥姐姐我應該點樣可以去慢慢緩解昵個症狀。

記得以前妳經常拗頭擔心我嘅指甲，心裡面有滿滿嘅唔好意思添，係昵度都仲係需要麻煩妳。首先係需要每個禮拜幫我檢查指甲狀況， 檢查一下指甲有冇生係肉裡面，因爲咧，指甲有時生得快，加上我冇以前咁樣時不時會磨自己嘅指甲，所以需要係醫生哥哥姐姐嘅指導情況下幫我定期修剪指甲，咁樣就唔會傷到對腳，心情都會開心好多噶。

唔好睇我會係妳面前好驕傲，但係我會趁妳唔注意嘅時候笑一笑。聽好多人講過吖，原來好睇嘅牙齒係靚靚笑容不可缺少嘅一部分。作爲妳嘅老友，我嘅牙齒隨著年齡嘅增長需要定期嘅檢查我有冇牙齦紅腫或者係牙齒疾病，同埋唔好介意有時會有bad breath或者流口水，食唔落飯等等，其實有可能係因爲我牙齒唔舒服，記得帶我去睇睇醫生哥哥姐姐，睇下有乜解決方法，可以挪返有型又靚嘅big smile。

辛苦哂妳吖，老友記~！

係妳愛錫嘅老貓(上)