嚟自老貓嘅第一封信

親愛嘅老友：

提筆寫呢封信嘅時候，我有少少猶豫，妳可能會有少少驚訝。

係昵度我要同妳講聲多謝：

妳幫我細心清理貓砂盒，就算我有時任性四圍方便，但妳依然落力清潔，爲咗俾我清新嘅環境；妳費盡心思去諗我每一餐應該食低咩嘢，有時我扭計唔很食嘢，妳閉翳完之後仲係比我鐘意嘅小零食；

妳即使有咗小朋友或者其他動物朋友仔嘅時候，依然將妳嘅目光留係我身上；妳願意係每一個早晨俾我係妳身上踩上踩落，俾我係妳塊面度做massage；

係妳食飯個陣時，無論係櫃檯定係食飯檯，只要我嚟咗妳都會借位俾我特權使用；每一次妳摸摸我嘅肚腩或者拗拗我嘅下巴，唔好睇我外表冷淡，其實我心入面係想妳一直petting我噶。

諗番起平時嘅生活，原來我哋已經係一起好長時間啦。年月漸長，我慢慢變作老公公/老太太，而家嘅我，毛色少咗些光澤，平時睇妳嗰陣有少少朦，聽嘢有少少慢，可能需要妳重複一兩次，行路會變得慢少少，一日三餐食得比以前少，比以前仲加鐘意訓覺，會對突然間改變嘅生活環境有壓力了.....

原來知道自己嘅生活慢慢有咗變化，呢種心情有少少複雜，所以我選擇寫信俾妳。當我力不能及嘅時候，需要妳係一旁幫幫手。儘管時過境遷，但我哋一步一嗰腳印，過好而家嘅每一天。

係妳愛錫嘅老貓(上)